AMAZULU FC aqinise isikwata sawo ngonkonko lo mgadli u-Elmo Kambindu (31) odabuka eNamibia, obegijima kwiChippa United.
Lo mdlali wethulwe ngokusemthethweni namuhla ngoLwesibili nguMegameli wale kilabhu uSandile Zungu.
Lo mgadli uthe: “Ngithanda ukubonga umengameli wekilabhu ngokungiletha kule kilabhu eseqophelweni eliphezulu. Ngijabulile ngokuba lana futhi ngizele ukuzohlohla inqwaba yamagoli. Ngibonga nokwesekwa engikutholayo selokhu ngifike kule kilabhu.”
USuthu luphinde lwaqinisekisa ukuthi lubolekise ngo-Olwethu Mzimela (23) ongunozinti noSiyanda Hlabangeza (22) odlala esiswini kwiDurban City. Babolekiswe kuze kuphele isizini.
