Ilanga News
Home 9 Ezokungcebeleka 9 Ezempilo 9 Aphume ngobuningi amadoda eyohlolelwa umdlavuza

Aphume ngobuningi amadoda eyohlolelwa umdlavuza

by | 30 September 2026

BAGQUGQUZELEKE basukuma abesilisa ngesikhathi benxenxwa ukuthi bahlolelwe umdlavuza wendlala yesinye mahhala, eMlazi Comtech esigcemeni sakwaS eMlazi ngoMgqibelo. UMnu Dumisani Pakkies weTEMPUDU Foundations ubonge abantu baseMlazi ngokulalela bese beyahlolwa. Uthi kumhlabe umxhwele ukuthi kusukume amadoda abalelwa ku-200 ezohlola kulo mphakathi.

“Kumele sisuke endaweni yokungazi kepha sizihluphe ngolwazi, okungihlabe umxhwele wukuthi phakathi kwalamadoda bekukhona nabangakafiki ku-40 kepha abazikhathazile ngokuzohlolwa. Asigxili nje kumdlavuza kuphela kepha sigqugquzela amadoda ukuthi azi ngesimo sawo sempilo jikelele. Lesisho esithi ugotshwa usemanzi sisebenze kakhulu izolo ngoba sibone izinsizwa zizihlupha ngolwazi, lokho kusho ukuthi ngesikhathi sebefika ku-40 bazobe bengasadonselwa kodokotela noma emtholampilo kuzoba sekuyinto abayejwayele wukuhlola isoimo sabo sempilo,” kuchaza yena .


Uthi uhlobo lwemfundo abafisa ukulufaka kwabesilisa ngolokusukuma kungakonakali lutho. “Iyamangaza indlela iningi lethu elicabanga ngayo, kunomcabango wokuthi umdlavuza ukhetha abathile ababuthaka kanti akunjalo. Omunye uvele avike ngokuthi uyaphalaza futhi uyachatha yena athi ‘ngeke ungiphathe umdlavuza mina’. Iqiniso wukuthi nami ngangizitshela lokho, yingakho ngayibamba isiku stage 3. Ukwesaba kuyimvelo kepha zihluphe ngolwazi,” kuchaza yena.


UMnu Pakkies uthi yena akazange akazange abe nezinkomba ezithi unomdlavuza. “Umdlavuza kawufani nomkhuhlane wona obikezelayo ukuthi uyeza. Ngiyanxusa kwabesilisa ukuba bawasebenzise ama-medical aid, abanye babuye bakhale ngokuthi bawakhokhela ubala ngoba aabaguli. Iqiniso lithi akusiwo awokugula kepha awokugwema ukugula, uye kohlolwa kodokotela. Nasemtholampilo abanye bavele bathi bazoya kokwenzani khona bengaguli, akuyiwa ngoba sewugula- uyela ukugwema ukugula,” esho.


UMnz Pakkies uthe amadoda awakhulume ngalesi sifo ngoba siyingozi. Uthi kufanele akhulume njengoba esuke ekhuluma ngebhola. Uthi uma bengenza njalo kungaba lula ukuba sigwemeke. “Kunzima ukudla imishanguzo yalesi sifo ngoba miningi. Ngiyacela amadoda ukuba ahlolwe. Akudingi ukuze ugule ukuze uye kohlolwa, hlolwa kusenesikhathi, mina ngaya kohlola ngingenalutho ngafike ngathola ukuthi nginomdlavuza,” esho.

Ezisematheni

Bathembisa lukhulu ohlelweni olungempilo kaL’vovo

Bathembisa lukhulu ohlelweni olungempilo kaL’vovo

LUZONIKEZA abantu olunye uhlangothi ngempilo ephilwa nguL’vovo Derrango uhlelo lukamabonakude olukhuluma ngempilo yalo mculi we-kwaito, osanda kwelulama ngemuva kokuhlaselwa yisifo sohlangothi. Lolu hlelo olubizwa ngeLife with L’vovo, luzoqala ukukhonjiswa ngomhla...

Zibuye ngesigqi sama-piano Izingane Zoma

Zibuye ngesigqi sama-piano Izingane Zoma

LISHINTSHE ukwenza iqembu elidala likamaskandi ngokuhlanganisa ushuni walo womculo namapiano. Iqembu Izingane Zoma, elidabuka eQhudeni, eNquthu, likhiphe i-albhamu entsha ngoLwesihlanu ebusuku esihloko esithi, “Istofu Sami”. Zimbili izingoma eziqoshwe kwaxutshwa...

I-IFP izokhipha umbiko ngezingxoxo namanye amaqembu

I-IFP izokhipha umbiko ngezingxoxo namanye amaqembu

IQEMBU le-Inkatha Freedom party (IFP) lizokhipha umbiko wokuqala mayelanga nezingxoxo eselizisingethe namanye amaqembu epolitiki ngokubumba uhulumeni ngokubambisana njengoba sekudlule ukhetho loHulumeni baseKhaya. Ngokusho kwethimba elihola izingxoxo zokusebenzisana...