SENZO SOKHELA
UTHEMBISA lukhulu uLyle Foster ongumgadli weBafana Bafana ofunge wagomela ukuthi bazoyijijimeza kanzima i-Egypt koka-group B ngoLwesihlanu ngo-17h00 eMorocco.
IBafana iya kulo mdlalo nje, iwuvule kahle lo mqhudelwano ishaya ngo-2-1 i-Angola ngoMsombuluko ebusuku.
UFoster – oqokwe njengomdlali ovelele kulo mdlalo emuva kokushaya igoli eliyiwinisile – uthe
kabagculisanga ngendlela abadlale ngayo isiwombe sokuqala bebhekene ne-Angola, uthi bebengahlangene.
“Sibe ngcono ngesiwombe sesibili sakwazi nokuthola igoli lesibili.
“Kulo mdlalo we-Egypt abantu bazobona into yamehlo.
“I-Egypt iyiqembu elihlonishwayo kodwa thina ngeke siyinike leyo nhlonipho, sizoyijijimeza umdlalo uqala uze uyophela.
“Noma kanjani sizobuya nawo egcwele amaphuzu kulo mdlalo,” esho.
