SENZO SOKHELA
IZOLWELA ukuthola igoli kuqala ukugwema ingcindezi iBafana Bafana uma seyibhekene neZimbabwe kowokusonga u-group B namuhla ngoMsombuluko ngo-18h00 eMorocco.
IBafana ukuze ingazitholi sekufanele ilokhu ishaya izibalo, kuzofanele iwunqobe lo mdlalo ukudlulela emzulisaneni womkhululajezi ngaphandle kwezinkinga.
Lokhu kugcizelelwe nanguKhuliso Mudau oyisitobha seBafana othe: “Kufanele senze isiqiniseko sokuthi sikora kuqala ukuze singazifakeli ingcindezi.
Kufanele siqinisekise ukuthi siyawasebenzisa amathuba esiwathola kulo mdlalo ukungena emzuliswaneni olandelayo.”
Komunye umdlalo ka-group B, i-Egypt okuyiyona eqhwakele ngamaphuzu awu-6, izodlala ne-Angola enephuzu elilodwa emdlalweni ozoqala ngawo u-18h00
