ULYLE Foster uphenduke iqhawe leBafana Bafana eshaya igoli lokuwina elakuleli lehlula ngo-2-1 i-Angola koka-group B ngoMsombuluko ebusuku eMorocco.
Igoli lokuqala leBafana lishaywe ngu-Oswin Appollis, lacinywa ngelikaShow elenze kwayiwa ekhefini kungu-1-1.
Ngesikhathi umdlalo usubukeka sengathi kuzocazelwana amaphuzu kuwona, uFoster – obengenawo umdlalo omuhle – ushaye elihle igoli elinqobise iBafana umdlalo walo wokuvula lo mqhudelwano.
Emdlalweni olandelayo iBafana izobhekana ne-Egypt ngoLwesihlanu ngo-17h00.
