UBESEYIQOQELE ekhaya ingoduso yakhe umculi kamaskandi uScebi “Inkosi Yamagcokama” Dlamini endaweni yaseMsinga eMachunwini.
ILANGA lithole ukuthi ubekade eselobole uNkz Mbali Mthembu waseZululand okunguyena osemseleni emakhandleleni njengoba kwenzeke lesi sigameko sokudlula emhlabeni kwalo mculi ngoMgqibelo ebusuku engozini yemoto eyenzeke emgwaqeni eRichards Bay erobhothini eliqondene nesibhedlela iMelomed.
Ingoduso yakhe ihlala ngokugcwele kwaDlamini, banezingane ezintathu nayo.
Ngokusho kwamalunga omndeni athi lomculi ubesekhombisa ukungena esigabeni sobumnumzane njengoba eshone esephume nenxiwa lakhe eliseceleni kwekhaya elikhulu ashone ehlala kulona.
Leli phephandaba lizifikile mathupha kuwona lo muzi ethangeni elisha.
Lo mculi wakhe istezi norawondi.
Ushone kusephansi phezulu kwakhiwa, engakaphumi ekhaya elikhulu.
Umndeni uthe uNkz Mthembu wumfazi wezinkomo eziphume kwaDlamini.
