IZANGOMA zezulu zakwaSouth African Weather Service (Saws) sezikhiphe isexwayiso esikuLevel 6 ngezimvula ezinamandla okulindeleke ukuthi zihlasele ezindaweni ezigudle ugu lwesifundazwe iKwaZulu-Natal.
Lezi zimvula – ezingase zidale izikhukhula, zilimaze nengqalasizinga – kulindeleke ukuba zigadle kusasa ngoLwesine nangoLwesihlanu. Lokhu kuza ngemuva kokuba isexwayiso esikuLevel 4, njengoba isisenyusile.
Nazi izindawo ezingase zikhahlamezeke kulezi zimvula:
- KwaDukuza
- eMandeni
- KwaMaphumulo
- eMkhambathini
- eNdwedwe
- eRay Nkonyeni
- eMdoni
- eMzumbe
ISaws isinxuse umphakathi ukuba uqaphele, abashayelayo emigwaqweni bacophelele, abakwaziyo bazihoxise izindlela ezingabalulekile.
“Singalindela ukuthi lezi zimvula zidale umonakalo njengezikhukhula emigwaqweni, ukumuka kwezindlu eziyimijondolo nokucekeleka phansi kwezindlu ezakhiwe ngodaka. Kungase kuphazamiseke nezinhlelo zokuhanjiswa kwezidingo kubantu ezinjengamanzi nogesi, kuphazamiseke nama-network amaselula,” kusho iSaws.
