KULINDELWE ukuba kuqalwe namuhla ukudidingwa ngekusasa leMeya yaseGoli uMnu Dada Morero njengoba iDA ifake isiphakamiso sokungabethembi ubuholi bakhe.
Kulesi sicelo iDA ifuna ukuba umkhandlu uchithe ngevoti uMoraro (we-ANC), uNkz Nobuhle Mthembu (we-Action SA) onguSomlomo, noMnu Sthembiso Zungu (we-ANC) onguSotswebhu.
I-DA ikhala ngokuwohloka kwaleli dolobha elikhulukazi eNingizimu Afrika, ithi ubuholi obukhona kabubonakali busemgqeni sokusombulula le nkinga. Kwenzeka lokhu nje, uNkk Hellen Zille, yiFederal Chairperson yaleli qembu, usephumele obala ngokuthi uzolungenela ukhetho lokuhola lo masipala.
UMorero uthi lesi siphakamiso sokungabethembi ubuholi bakhe ngelinye lamaqhinga eDA ayingxenye yomkhakhaso wayo wokhetho lohulumeni basekhaya lwangonyaka ozayo. Uthe uneqholo lokuthi ngeke liphumelele.
“Yebo ziningi izinselelo esibhekene nazo njengomasipala okubalwa kuzona nezengqalasizinda, kodwa isabelomali sethu sigxile ekubhekaneni ngqo nalezi zinselelo,” kusho uMOrero.
