SELIGQABUKILE igoda phakathi kukaMuhsin Ertugral neCape Town City abeyiqeqesha. Lokhu kudalwe yimiphumela engagculisi yale kilabhu.
Lo mqeqeshi uwuqale ngeshodi umsebenzi wakhe eKapa, edla iKaizer Chiefs ne-Orlando Pirates ngokwahlukana, kodwa emuva kwalokho izinto zambhedela, esethola imiphumela emibi.
U-Ertugral, ongowokudabuka eTurkey, ujoyine le kilabhu ngoMasingana (January) ngemuva kokukhonjwa indlela kuka-Eric Tinkler ngosuku lokugcina lukaZibandlela (December) nyakenye.
Useqeqeshe kumakilabhu amaningi kuleli okubalwa kuwona iChief nePirates.
