IZOPHOTHULWA ngomcimbi wokujabulisa umndeni okuzobe kushiyelana inkundla abaculi be-gospel impelasonto yePhasika ozobanjelwa eSunkist Lwans eNorth Beach ngoMsombuluko mhla ka-21 kwephezulu.
Lo mcimbi obizwa ngeGospel in the Park Family Day kuboshelwe abaculi okubalwa kubo u-Andile KaMajola, Ayanda Ntanzi, Melusi Mbokazi, Babo Ngcobo, Sneziey nabanye. Kulindeleke ukuthi uhehe abantu abahlukene abanye babo abazobe behambisana nemindeni yabo ukuzophothula le mpelasonto yendumiso.
Ngaphandle kwalaba baculi kuzobe kunandise uDJ Happygal ozobe eklwebha amapuleti ethokozisa abantu abazotheleka kulo mcimbi ozobe ugabe ngobumnandi.
Umphathi wohlelo kuzobe kuwuChurchboy owaziwayo ngamahlaya anenkosi phakthi noMthoko Ndlovu.
UMhleli walo mcimbi uMpume Msomi uthe konke okuphathelene nokuzithokozisa kwabantu abazobe behambele lo mcimbi kuhleliwe njengoba namathikithi edayiswa ngenani eliphansi kakhulu.
Amathikithi alo mcimbi abiza R50 ithikithi elilodwa kanti awamalungu omndeni ayisithupha athola inani eliyisipesheli ngokukhokha R200 bebonke.
Kulabo abafisa ukungena noCoolerbox bazobe bevumelekile njengoba bezokhokhiswa R100 ukuze bakwazi ukungena nezidlo zabo. Amathikithi alo mcimbi aseqalile ukutholakala eTicketpro noma ezitolo zakwaSpar.
