KUSASA ngoLwesine inkosi yesizwe sakwaButhelezi uZuzifa izokuba nomhlangano “obalulekile” neSilo uMisuzulu kaZwelithini. Lokhu kuqinisekiswe yisitatimende esithunyelwe yilowo okhulumela iSilo, umtwana uThulani.
Esitatimendeni kakucaci ukuthi yini okuyokhulunywa ngayo, kodwa kuthiwa kuza isizwe sakwaButhelezi nenkosi yaso, bazoba nomhlangano esigodlweni kwaKhangelamankengane ngo-11:00 ekuseni.
UButhelezi uqokwe yiSilo ngasekuqaleni kwenyanga ukuba abe ngusihlalo womkhandlu waso. Ngokomlando, uphinde azalwe nguMtwana uMangosuthu owabamba isikhundla sokuba nguNdunankulu wesizwe samaZulu waze wakhothama.
Leso sikhundla kumanje kasinamuntu ngemuva kokuhoxiswa kukaMfundisi Thulasizwe Buthelezi kusona.h
