Ilanga News
Home 9 Imibono 9 Umbono: OwaMantshontsho uphendula uQuality ngolwengezo

Umbono: OwaMantshontsho uphendula uQuality ngolwengezo

by | 5 December 2024

U-Quality Biyela

Shono ke mfokaBiyela, ufisa INDONDO ibe isiliva noma eyamalahle ?

Ngale kwamancoko, ayiqiniso elimsulwa ngempela amagama akho Menziwa.

Ubamele impela owenu engezweni nasekubeni usozimelegeqe wensizwa. 

Le “spirit” osibalulayo sokuzigqaja ngobujongo nobubhinca saba sobala ngikulamela okukuqala useyivukane unconywa uNgizwe iChunu ngo- October 2019 “thu tawuzeni en 12”.

Baningi owenu abakleza kogwansile la kuwena uma sekuziwa kwingezo.

Ngisho amanye amaciko angaphambili kwakho la kumaskandi asika iphethini la kuwe, wukuthi ngeke akuvume. 

Usazodlondlobala uye kude kakhulu ngobuciko nokuba umdidiyeli kazwelonke wengezo kowenu. 

Ngikuthuma kowenu ngoba izinsizwa (nezintombi) zibuthwa ngobudala bazo.

Udidiyela ingezo kwibutho lama-2000 nje wena, kunebutho elilanywa ilelo eladidiyelwa impisi yaseMdletsheni umfokaManqele osaphethe isicoco sengezo saseMantshontshweni.

UMlamuli Nxele

Ngaphambi kwalokho umpetha wengezo kwakuyiChalaha umfokaShafuza phansi kwaJikijiki.

Ngaphambi kwalokho isicoco sasikwiBhova likaDikadaki ngePointer nogodo nemiyeko.

Thina ke njengoyihlo sadidiyelwa kwingezo umfokaMolo uBhekumuzi Luthuli kwaMaphamulo ingakho saze senza ama-S-Curl sakhonza amahembe amhlophe ngama early 90s. 

Kukhona-ke okusamtalabho okungifikelayo kodwa ngizokwenza isisoka engakhuliswa ngaso ngokutshela  emakhaleni mhla salamelana (no need for appointment).

Ume njalo qhawe uqhubeke nokuba i-INFLUENCER kodwa ungakhohlwa ukungena estudio uphekele abantu ingoma ngoba nangalapho UNGENHLA kakhulu kwabaningi ukuthi size sikhohlwe ubhizi kakhulu ukudlala uTikTok.

Isiyobonana eMantshontshweni, DBN ICC Arena makhathaleni! 

Yimi okuvumayo
Mlamuli Nxele 
UMabhulohlanyeni umfa Mahlomeka 
KwaNomo eMgungundlovu 
Founder – Amantshontsho KaMaskandi

Ezisematheni

UShinga wethule izimoto ezidle u-R21 million zomnyango wakhe eKZN

UShinga wethule izimoto ezidle u-R21 million zomnyango wakhe eKZN

UNGQONGQOSHE woMnyango wezokuThuthukiswa koMphakathi kwaZulu-Natal, uNkz Mbali Shinga wethule izimoto ezingu-72 zomnyango wakhe ngenhloso yokuqinisekisa ukulethwa kwentuthuko emphakathini. UShinga ubenomcimbi wokwethula lezi zimoto eMayors Walk, eMgungundlovu...

Idayise kwi-Aution ngo-R10.1 million iFerrari kaMaumela

Idayise kwi-Aution ngo-R10.1 million iFerrari kaMaumela

IDAYISWE ngo-R10.1 million esidlangalaleni iFerrari SF 90 Stradale kasomabhizinisi, uHangwani Maumela oyamaniswa necala lokuntshontshwa kwemali engu-R2 billion okungenye yemali okuthiwa yakhwatshaniswa esibhedlela iTembisa. Le moto elinganiselwa ku-R14 million,...

Kwethule uhlelo lwabokufika ukufaka izicelo zokubhaciswa online

Kwethule uhlelo lwabokufika ukufaka izicelo zokubhaciswa online

UMNYANGO wezaseKhaya eNingizimu Afrika wethule uhlelo lokuthi abokufika, abafuna ukukhoseliswa kuleli zwe, bafake izicelo zabo ngohlelo lwe-inthanethi (online). UNgqongqoshe walo mnyango, uDkt Leon Schreiber, nguyena osayine ukuphasiswa kwalolu hlelo ePretria...