IMAMELODI Sundowns izibekisele indawo kowandulela owamanqamu weCaf Champions League idlala ngokulingana ne-Esperance yaseTunisia emlenzeni wesibili weQuarter-final ngoLwesibili ekuhambeni.
Emlenzeni wokuqala obusePitoli ngeledlule, amaSandawana anqoba ngegoli elilodwa likaPeter Shalulile.
Manje sekubhekwe i-Orlando Pirates ukuthi nayo yenze okufanayo njengoba izogijima umlenze wesibili neMC Alger e-Orlando Stadium. I-Bucs iya kulo mdlalo isiwufakile umlenze wokuqala kwiSemi-final njengoba inqobe ngegoli elilodwa ekuhambeni ngeledlule.
AmaSandawana azobhekana ne-Al Ahly kowandulela owamanqamu, kanti iPyramids FC (nayo yaseGibhithe) ilinde ozonqoba phakathi kweBucs ne-Alger.
Isiyinke imiphumela yeCaf Champions League yangoLwesibili ebusuku:
Esperance 0-0 Mamelodi Sundowns (Aggregate 0-1)
AS FAR 2-0 Pyramids (Aggregate 3-4)
Al Hilal 0-1 Al Ahly (Aggregate 0-2)
