NONHLAKANIPHO SHINGA
UHONOUR Zuma, ozoba nohlelo olukhuluma ngempilo yakhe.
INTOKAZI esanda kuveza ukuthi ingumzukulu kalowo owayengumengameli wakuleli, uMnu Jacob Zuma, uCyan Boujie, sekuvele ukuthi izokuba nohlelo olungempilo yayo.
Ngokusho kwemithombo, lolu hlelo luzodlala esiteshini sikamabonakude iMoja Love, esikuDStv Channel 157.
Kuzokhumbuleka ukuthi uCyan Boujie ungomunye wama influencer asezakhele igama ngezigemegeme eziningi. Le ntokazi yaziwa ngokuba nesandla esilula kanti iphinde ingafihli ukuthi njengoba inezinqa ezinkuku nje, zenziwa ezweni laseTurkey.
Baningi abazothokozela uhlelo lwale ntokazi njengoba yaziwa ngokungafihli lutho ngayo.
