UNDUNANKULU waKwaZulu Natal uMnu Thami Ntuli ukhale kakhulu ngesihlava sokubulawa kwabesifazane esibonakala singapheli esifundazweni ngesikhathi ehambele eNkantolo yeMantshi yaseThekwini ngoMsombuluko lapho bekuvela khona umuMnu Mfanafuthi Kunene (37) osolwa ngokubulala uNkz Ayabonga Mjilo (23).
UNtuli uthe izinhlaka ezifana nobuholi bendabuko nazo kumele zisebenzisane nohulumeni ukuzama ukuthola isixazululo kule nkinga.
Kuye ngamagama enkehli ezifikela mathupha enkantolo yaseThekwini lapho bekuvele khona lo msolwa ovele kafushane ngaphambi kokuthi icala lakhe lihlehliswe.
Kuzokhumbuleka ukuthi ngemuva kwezindaba zokutholakala kwesidumbu sale ntokazi sigqitshwe lapho kuhlala khona umsolwa, uNtuli wamemezela ukuthi uzozifikela mathupha enkantolo uma lo msolwa esevela, ukuzokweseka umndeni.
Ubonakale ekhuluma nodadewabo kaNkz Mjilo.
Umsolwa ubhekene necala lokubulala, elokuthumba nelokuzama ukudidisa ukusebenza komthetho.
Uzoze abuyele enkantolo ngomhla ka-26 ku-February.
