UMusa Khawula, wodumo ezinkundleni zokuxhumana, ngoLwesibili uvele kafushane eNkantolo yesiFunda eRandburg, lapho ebhekene khona namacala okudicilela phansi isithunzi, ukwephula umthetho olawula izinkundla zokuxhumana iCyber Crimes Act 19 ka-2020, nokucwasa.
Ngokwesitatimende sophiko wezokushushisa iNPA, uMusa usolwa ngokuthi washicilela ama-post ezinkundleni zokuxhumana iX (Twitter) neFacebook, ngenhloso yokuthunaza nokudicilela phansi isithunzi sikasomabhizinisi uZee Nxumalo.
UMusa ubesagcinwe esitokisini njengoba umbuso uphikisa isicelo sakhe sebheyili njengoba kusaqhubeka icala lokubulala lapho esolwa ngokugwaza owayethandana naye, uWandile Khambule, ngoNdasa (March) ka-2022. UMusa ubhekene nelinye icala nokushayela budlabha.
UMusa, odume ngokukhininda izimfihlo zabantu, uzogcinwa esitokisini kuze kube wumhla ka-21 kwephezulu lapho kulindelwe ukuba afane isicelo sokudedelwa ngebheyili.
