MENZI JELE
UQALE ngesifundo esibalulekile umcimbi wokugujwa kwempi yaseSandlwana okulindeleke ube kusasa ngoLwesithathu eNquthu. Namhlanje ngoLwesibili uDkt Vusi Shongwe, yinyosi uBuzetsheni Mdletshe noMntwana uThulani Khuzwayo waseZibindini, yibo ebebethula lesifundo.
Lesifundo besiseShiyane sihlelwe ngumasipala omkhulu uMzinyathi oholwa nguMnu Petros Ngubane. IShiyane ingenye yezigcawu lapho impi yahlangana khona. Isifundo simayelana nokubaluleka kweMpi yaseSandlwana emhlabeni jikelele.
UMnu Ngubane uthe Petros intaba iSandlwana bayithatha njengentaba engcwele lapho sonke isizwe samaZulu sikhuleka khona. Lokhu kwakuyisifiso seSilo esabuza uMdlokombane.
