NONHLAKANIPHO SHINGA
UNGQONGQOSHE wezokuThutha nokuHlaliswa kwaBantu KwaZulu-Natal, uMnu Siboniso Duma, noMkhuzi wamaphoyisa esifundazweni, uLieutenant-General Nhlanhla Mkhwanazi, baqhube umkhankaso wezokuphepha ngokwenza isivimbamgwaqo eMariannhill Toll Plaza ngoLwesibili, ukuqinisekisa ukuphepha kwabantu emigwaqweni.
Ngokusho kukaDuma, inhloso yabo bewuhulumeni wukuqinisekisa ukuthi izimoto ezisemgwaqweni zisesimweni esifanele nokuthi amatekisi athutha abagibeli anezimvume zokusebenza.
“Besiqinisekisa futhi ukuthi izimoto ezithutha abagibeli zisesimweni esiphephile nokuthi kabekho abantu abaphethe izidakamizwa ezimotweni zabo,” kusho yena.
Bebehlola nokuthi abashayeli bezimoto banawo yini amalayisensi nokuthi kabashayeli bedle amanzi amponjwana, nokuthi kabathuthi imfuyo eyebiwe, noma bahamba ngezimoto ezebiwe.
nonhlakaniphos@ilanganews.co.za
