KUSUKE umsindo ezinkundleni zokuxhumana emuva kokuba kube nokuphambana kwemibono phakathi kwabesilisa nabesifazane ngodaba lomdlalo weBafana Bafana ne-South Korea weNdebe yoMhlaba odlale namuhla ezintatha ngo-03h00.
IBafana inqobe ngo-1-0 okuyenze yadlulela esigabeni esilandelayo nalapho izobhekana khona neCanada ngeSonto ngo-21h00 ebusuku. Ukukhuluma kuqale emuva kokuba abesifazane bekhale ngokuthi abasilisa bahlale bekukhalela ukuvuka uma kufanele benze izinto ezibalulekile.
Iningi labantu besilisa likhahlele izingubo ezintatha, labuka ibhola okuyikhona okwenze kwaphambana imibono. Lokhu kwenze abanye besilisa baziphendulela ngokuthi ibhola alinamsindo futhi alithethisani amacala. Abanye baze balibeka ngembaba elokuthi empeleni uma kuthiwa abakhethe, bangakhetha lona ibhola nokuyikhona okwenze abesifazane banengeke yile nkulumo.
