SKHOSIPHI MTHEMBU
BASALE enkundleni abosolwa ababili abatholwe nemoto eyebiwe kubanjwa inkunzi ngesikhathi bedubulana namaphoyisa. Kubikwa ukuthi lesi sigameko senzeke ngoMsombuluko eMpangeni ngesikhathi.
Ngokwesitatimende samaphoyisa, abakwasidlodlo bazithele phezu kwemoto ebipakwe ensimini yomoba, kwathi uma esondela kuyona, abasolwa bavulela ngenhlamvu nawo aphindisela. Abasolwa bafela bagcine befele khona lapho. Kutholakale izibhamu ezimbili nezinhlamvu.
Uphenyo lwamaphoyisa luveze ukuthi le moto beyebiwe komunye umuzi obekubanjwa kuwona inkunzi KwaMsane, eMtubatuba ngoLwesihlanu olwedlule. Luveze nokuthi bekunencwadi yenkantolo egunyaza ukuba abasolwa baboshwe mayelana necala lokubulala. abebefunelwa lona.
* Kwesinye isigameko, amaphoyisa aseMpangeni abophe abasolwa abane – abebefunelwa amacala okugasela emizini yabantu babambe inkunzi. La macala kubikwa ukuthi ebenzeka ezindaweni okubalwa kuzona KwaHlabisa, eMpangeni, eMtubatuba, eRichards Bay naseSikhaleni.
YIZIBHAMU ezitholakale kubasolwa abebehlalise lubhojozi imiphakathi beyibamba inkunzi.
Kubikwa ukuthi abasolwa baye komunye umuzi eMazimazana, eMpangeni, ngoMgqibelo, bakhomba izisulu ngezibhamu, baziphoqa ukuba zingene endlini. Sebephakathi, baphoqe isisulu ukuba zithumele imali kwi-account yabo. Ngesikhathi beboshwa abasolwa, amaphoyisa athole izibhamu ezintathu nezinhlamvu. Abasolwa kulindeleke ukuba bavele enkantolo ngoLwesithathu.
