UHALALISELWE ngabaningi umlingisi ongaconsi kubalandeli bakhe, uBaby Cele, ngemuva kokusabalala kwezithombe zomembeso wakhe.
UCele ungomunye wabalingisi abahlonishwayo kuleli kanti uthandwe kakhulu ngabantu ngendawo kaGabisile abeyidlala kuZalo.
Eminyakeni edlule uBaby uveze ukuthi uselandela ubizo lwakhe lokuba yisangoma, ngakho-ke usekhethe ukuthatha ikhefu ekulingiseni. Njengoba ebenzelwe umembeso nje, uzokube eseshada okwesine njengoba eseke washada amahlandla amathathu ngaphambilini, kodwa wabuye wahlukanisa.
Emshadweni wakhe wesibili, wayeshade noMnu Mandla Mabuza, okuthe uma ehlukana naye washada noMnu Thabo Maloka. Umshado wakhe noMaloka wawusesikhumulweni sezindiza, iVirginia Arirport, eThekwini uhanjelwe ngomntakabani.Â
Ngaphambilini lo mlingisi uke wakhuluma ngokwehlukanisa emishadweni yakhe, wathi kakusabi buhlungu ngoba uyakholelwa ekutheni uma uphela, yingoba uthando lusuke lungasekho.Â
Waphinde nokuthi emshadweni wakhe wokuqala wakhetha ukwehlukanisa ngoba umyeni wakhe wayemhlukumeza.
Ubongelwe nangabanye osaziwayo abebekhona emembesweni wakhe.
