BASAZOQHUBEKA nokubala izinsimbi zesitokisi abasebenzi beSouth African Social Security Agency (Sassa) abayanyaniswa nezinsolo zokukhwabanisa imali yalesi sikhungo.
Abasolwa abawu-11, okukhona kubona nezikhulu zale nkampani, bebevele eNkantolo yaseGauteng izolo ngoLwesibili, lapho bebhekene namacala enkohlakalo ayinkulungwane. Basolwa ngokukhwabanisa imali elinganiselwa ku-R260 million.
Kubasolwa abawu-11, abawu-8 bayizisebenzi zakwaSassa. Basolwa ngokukhwabanisa imali yalolu hlaka lukahulumeni ngokuholela izipoki.
Inkantolo itshele abasolwa ukuthi bazoqhubeka nokugcinwa ezitokisini, kuze kube kufika umhla ka-1 kuNhlangulana (June) kophezulu. Ngalolo suku bazokube bezoqhubeka nokufaka izicelo zokudedelwa ngebheyili.
