IQEMBU lezepolitiki iDA seliveze ukuthi livulela owesifazane obonakale esusa uthuthuva ebhanoyini icala lokudicilela phansi isithunzi.
Lona wesifazane okuvele ukuthi unguNkz Nobuntu Mkhize ube sematheni ngemuva kokusabalala kwama-video akhe axabana nezisebenzi zasebhanoyini.
Kwenye yama-video asabalalile uNkz Mkhize uzwakala esho amagama akhombisa ukucwasa amaKhaladi ngemuva kokube ebe nokungezwani nesinye isisebenzi saleli bhanoyi FlySafair.
I-DA iveze ukuthi ngoMsombuluko ivulela uNkz Mkhize icala ngalesi senzo sakhe.
Isitatimende saleli qembu siveze ukuthi umholi walo eWestern Cape uTertius Simmers noSihlalo weSubcouncil 15 u-Angus McKenzie bavula leli cala esiteshini samaphoyisa eBishop Lavis.
