SENZO SOKHELA
I-ORLANDO Pirates ibulindele nxazonke ubunzima engase ibhekane nabo uma isigadulisa-na neStade d’Abidjan yase-Ivory Coast emlenzeni wokuqala, koka-group C koweCaf Champions Lea-gue namuhla ngoMgqibelo ngo-18h00 kulo leliya lizwe.
IBucs iya kulo mdlalo nje, isefomini njengoba ingakaze yehlulwe kuleli qoqo – emidlalweni emibili esayigijimile.
UThabiso Monyane (osesitho-mbeni) odlala emuva kwiBucs, uthi bakuqonda kahle ukuthi izi-mbangi zabo zizosebenzisa wonke amasu ukubathikameza.
Uthi bakulindele konke abazo-bhekana nakho kulo mdlalo.
“Siwuqale kahle lo mqhude-lwano weCaf.
“Sizi-misele ngokuqhubeka nomgqigqo wethu omuhle.
“Kufanele sibhekane nomdlalo ngamunye.
“Akulula ukudlala namakila-bhu agijima kwamanye amaligi ngoba anendlela yawo yokwenza neyokudlala. Kodwa-ke silindele noma yini, silindele bonke ubu-nzima esingase sibhekane nabo,’’ kusho uMonyane.
UMonyane ukhuluma kanjena nje, zivamile izikhalo ngamakila-bhu ase-Afrika asebenzisa ama-qhinga “agcolile” ukuphazamisa izitha, ikakhulukazi eziqhamuka eNingizimu Afrika.
