SENZO SOKHELA
ISEZINHLELWENI zokugixabeza unozinti wayo, uSipho Chaine (27) (osesithombeni) ngenkontileka i-Orlando Pirates ehanjelwa kahle yizinto emidlalweni yeBetway Premiership.
ILANGA lithole ukuthi iBucs ihlela ukugixabeza lo nozinti odabuka eBloemfontein, eFree State, ngenkontileka entsha futhi ende.
Umthombo waleli phephandaba uthe: “(Abaphathi) Bagculisekile ngakwenza ezintini, cishe bonke abantu bayazibonela ukuthi kumfanele ukunikwa enye inkontileka. “Inkontileka yakhe iyaphela uma kusongwa le sizini, yingakho iPirates ihlela ukumnika eyeminyaka emithathu. Kodwa ngeke itatazele ngodaba lwakhe ngoba akekho vele ozomthatha, izomdedela uma sekuthanda yona.
“Phela udaba lwakhe lusingethwe ngusihlalo wayo iBucs, u-Irvin Khoza, ngakho-ke kakulula ukuthi kube khona omeshela isinyenyela njengoba ngoJanuary ezobe esenalo ilungelo lokusayina inkontileka yesibambiso nanoma iyiphi iki-labhu emfunayo.”
Imizamo yokuthola uKhoza ukuba apha-wule ngalolu daba iphunzile njengoba ucingo lwakhe belungangeni.
senzos@ila-nganews.co.za
