INTATHELI YELANGA
I-KAIZER Chiefs yengeze ngabadlali abawu-8 eqenjini ezoya nalo eNetherlands – ngasekuqaleni kukaJuly – ukuyozivivinyela ukuqala kwesizini entsha yeBetway Premiership. IziMpofana eziyizingqwele zeNedbank Cup – okuzinika ithikithi lokubamba iqhaza kwiCaf Confederation Cup – zengeze ngoPaseka Mako, uThabiso Monyane, uKabelo Nkgwesa, u-Asanele Velebayi, uThulani Mabaso uManqoba Ozoemena, u-Etiosa Ighodaro noNaledi Hlongwane kulolu hlu.
Sekuwumlando ukuthi uMako noMonyane bashiye i-Orlando Pirates eyizimbangi ezinkulu zeChiefs. UVelebayi usayine esuka kwiCape Town Spurs edliwe yizembe kwiMotsepe Foundation Championship, u-Ighodaro ubegijima kumaZulu FC, ebolekiswe yiMamelodi Sundowns. U-Ozoemena – odlala esiswini – uHlongwane ongumgadli; uNkgwesa odlala emuva kwesobunxele noMabaso oyibamba esiswini, babambe elikhulu iqhaza ekutheni injejane yeChiefs edlala kwiDStv Diski Challenge (DDC) iqukule isicoco salesi sigaba, okokuqala ngqa selokhu lo mqhudelwano wasungulwa ngo-2014.Â
NGUNALEDI Hlongwane ongomunye wabadlali abazoya ekhempini yeChiefs eNetherlands. ISITHOMBE NGABE: BACKPAGEPIX
Ngokohlu lwabadlali olushicilelwe yi-UnplayableZA ekhasini layo leX, naba abadlali iChiefs ezohamba nabo:
Onozinti: Bontle Molefe, Brandon Petersen, Bruce Bvuma noFiacre Ntwari.
EMUVA: Paseka Mako, Thabiso Monyane, Inacio Miguel, Given Msimango, Aden McCarthy, Dillan Solomons, Rushwin Dortley, Reeve Frosler, Zitha Kwinika, Happy Mashiane, Bradley Cross noKabelo Nkgwesa.
ESISWINI: Thabo Cele, Asanele Velebayi, Mfundo Vilakazi, Samkelo Zwane, Pule Mmodi, Sibongiseni Mthethwa, Nkosingiphile Ngcobo, Teboho Potsane, Mduduzi Shabalala, George Matlou, Yusuf Maart, Gaston Sirino, Thulani Mabaso noManqoba Ozoemena.
PHAMBILI: Etiosa Ighodaro, Tashreeq Morris, Ashley Du Preez, Glody Lilepo, Wandile Duba noNaledi Hlongwane.
