KUNGENE iDumehlezi FC neMP Thwala kwiSafa ABC KZN Motsepe League ngesizini ezayo emdlalweni yokuhlunga eqale ngoLwesihlanu yasongwa namuhla ngeSonto, eMhlathuze Sports Grounds, eRichards Bay.
Igoli abanqobe ngalo abeDumehlezi libhakuziswe enethini nguVelenkosi “Sdakwa” Dlamini I-Dumehlezi FC ecijwa nguMafa “Wele” Zuma wodumo kwi-Ashley United neSummerfield Dynamos ishaye iMp Thwala FC kowamanqamu we Hollywoodbets Provincial Play Offs esongwe izolo ngeSonto eMhlathuze Sports Grounds.
UZuma ekhuluma neLANGA ubonge izikhulu zeDumehlezi FC ngokumeseka ngesikhathi kuqhubeka imidlalo yokuhlunga. Uthe uzimisele ngokuthatha indlela abanqobe ngayo kwelinye izinga ngesizini ezayo.
