MZWAMANDLA ZONDI
IHARRY Gwala ibe izingqwele zika-U/15 zeKZN Junior Netball Champion eqale ngoLwesihlanu yasongwa ngeSonto eHoy Park, eThekwini kwathi iZululand yadla umhlanganiso ku-U/17.
Lo mqhudelwano uxhaswe yiHollywood Foundation kanti inhloso yawo ukuvundulula ithalente elizosiza amaqembu esifundazwe iKingdom Stars neKingdom Queens adlala kwiTelkom Netball League (TNL).
Indawo yesibili ku-U/15 ithathwe uThukela kwathi uMkhanyakude wangena isithathu.
IZululand kwi-U/17 ulandelwe Amajuba kwathi iLembe lalala isithathu.
IHollywood Foundation ziningi izinhloso onazo zokuthuthukisa lo mdlalo esifundazweni. Lo mqhudelwano ubuhanjelwe uMnyango wezeMidlalo wesifundazwe, iKZN Sport Confederation, abakwa-Aquelle neHollywood Foundation ongabaxhasi bawo.
