INTATHELI YELANGA
KUKHONYE izinkakha ze-Orlando Pirates kwiKwa-Ndebele Legends Tournament ebingempelasonto, eKameelrivier Stadium, eGa-Morwe, esifundazweni iMpumalanga, ziguqisa zombili izimbangi zazo ezinkulu kunobhutshuzwayo waseNingizimu Afrika, okuyiKaizer Chiefs neMamelodi Sundowns.
NGO-KATLEGO Mashego owelise izinkakha zePirates zinqoba umqhudelwano.
IBucs ivule lo mqhudelwano ngokuguqisa iziMpofana ngo-3-2 kwi-semi final, kanti iDowns idlule kwiKwa-Ndebele Legends. Amagoli ePirates ashaywe nguLebogang “Cheeseboy” Mokoena, nguKatlego “Mahhota” Mashego noJoseph “The Bullet Blast” Ngake. AweChiefs ashaywe nguJimmy Jambo womabili.
Kowamanqamu, iPirates ibhubhise iDowns ngo-3-0 wamagoli kaMashego amabili nelikaMpho Makola.
