SENZO SOKHELA
EZIMBI ekhempini yeKaizer Chiefs kulimala uNkosingiphile Ngcobo obeseza kahle obekade evele ebuya ekulimaleni.
IChiefs izobhekana neRichards Bay koweBetway Premiership ngoLwesithathu ngo-19h30 ePeter Mokaba Stadium, ePolokwane.
IChiefs igqemeke ingozi njengoba uNgcobo – odlala esiswini engase angawudlali lo mdlalo ngenxa yokulimala.
UNgcobo ulimala nje, ubenesikhashana ebuye ekulimaleni obese kumuhlalise isikhathi eside engadlali.
Izindaba zokulimala kukaNgcobo ziqinisekiswe ngumqeqeshi wale kilabhu uNasreddine Nabi ngesikhathi ekhuluma nabezindaba namuhla ngoMsombuluko eNaturena.
