IZOBUYELA eNkantolo yesiFunda saseMgungundlovu ngoMbasa (April), iNkosi yesizwe sakwaNxamalala, eMpendle, ebhekene namacala okubulala.
INkosi uSimphiwe Zuma (55), beyive-le kule nkantolo nabalisa esolwa nabo emacaleni ehlukene, ngoLwesihlanu.
Phakathi kwabasolwa, kubalwa inkabi edonsa isigwebo sodilikajele abahlanu ngamacala okubulala, uThabo Deon Mathonsi.
Emacaleni abhekene noZuma kubalwa elokubu-lawa kwenduna yesizwe sakhe, uMnu Qalokunye Zuma, owadutshulwa ngo-2023, elokubulwa kwe-khansela leDA kuMasipala waseMngeni, uMnu Nhlalayenza Ndlovu, naye owadutshulwa phambi kwezingane zakhe ngo-2023,.
Ecaleni kokubulawa kwenduna, uZuma wathola ibheyili ka-R25 000, wanqatshelwa ibheyili kuleli lokubulala uNdlovu.
NgoLwesihlanu enkantolo, uMshushisi uMathe (elingatholakalanga igama lakhe), utshele inkantolo ukuthi kunezitatimende ezimbili umbuso okumele uzithole ngaphambi kokuba icala lidlulele esigabeni esilandelayo.
Uphakamise ukuthi wonke amacala aguqele umhla ka-17 kuMbasa, ukuze kutholakale lezi zitatimende.
ngubo@ilanganews.co.za
