ISEYINDABA egudwini eyokulandwa kwelobolo ngeSonto emndenini wakwaSibisi, eWaterloo, eVerulam ngemuva kokuba ingoduso ithumele umyalezo koskwiza bayo, ibazisa ukuthi ucu kalu-sahlangani phakathi kwayo nomyeni.
ILANGA lithole ukuthi uMnu Ndodo Gumede waseMaqadini, eMzinyathi, okhonza ebandleni lamaNazaretha, uthumele abakhongi bakhe uku-ba bayomlandela ilobolo lesamba semali
ewu-R 68 000, ngemuva kokuba ingoduso eyitshitshi uNkz Mandisa Sibisi (32), isilibeke ngembaba elokuthi kayi-sawufuni umshado.
ILANGA likhulume noGumede, okuqinisekisile ukuthi useyilandile ingxenye yelobolo ekhweni lakhe,
usazola-nda nokunye, kali-kapheleli.
Uthi ba-thathe ama-bhodwe nezi-ngubo zokulala, ayebambese nga-kho, bahamba nakho.
Uveze ukuthi kwenzeka konke lokhu nje, ubesechithe isamba semali engaphezu kuka-R400 000 embesa, elobola, ekhehla ingoduso. Uthi uyilobole, wayikhehla, qede wayimbesa ngosuku olulodwa ngoNcwaba (August) wonyaka ophelile.
Uthi umcimbi wabo wawuyizigaba ezintathu, kwaqala ngelobolo ekuseni, kwalandela umkhe-hlo, kwase kuyembeswa. Uthi umcimbi wawusezi-nkundleni zemidlalo eWaterloo, kwakugxunyekwe amatende awu-5, kwakukhona nawezicukuthwane.
Uthi wayegingqe izinkomo eziwu-4, utshwala babuyinsada, wayethenge obuka-R89 000. Ngosu-ku lomcimbi uthi wayegqoke amateku ka-R10 000. UGumede uqhube wathi bekulindeleke ukuba zi-wushaye ngoMbasa (April), bese beqalile nama-lungiselelo omshado.
Uthi ingoduso uthandane nayo iyitshitshi, bebengakaze bahlangane ngenxa yokuthi umthetho webandla labo kawuvumi ukuthi nihla-ngane ningakashadi. Uthi ubelangazelele ukuthi bazohlangana ngosuku lomshado ngoMbasa.
Utshele leli phephandaba ukuthi ingoduso iqa-le yathumelela odadewabo umqhafazo, ibazisa ukuthi ucu kalusahlangani, umshado ngeke usa-ba khona. Uthi ubezitshela ukuthi iyadlala, wakuthatha kancane ebikusho.
Uthi ngemuva kokuba isikushilo lokho, uyifa-kele isamba semali ewu-R10 000, iyothenga inda-ndatho yayo yomshado. Uthi ukuthatha njengoku-thi ibimqola lento eyenzile yokuthi ithathe imali, yize bese yazi ukuthi kayisawufuni umshado.
Leli phephandaba lithole ngomthombo walo osondelene nodaba, ukuthi ingxabano phakathi kwalaba isuswe ukuthi ingoduso ibihlale icela kumyeni ukuthi bazikhiphe, bayodla isidlo ezi-ndaweni zokudla, kodwa umyeni engayingeni leyo.
Kuthiwa ubeyiphendula ngokuyibuza ukuthi ikufundiswe ngubani ukuyodla ezindaweni ezi-phambili ngoba yona iyitshitshi. Umthombo uthi selokhu umyeni ayichitha ngalokho, isimo kasi-phindanga saba sihle phakathi kwabo.
UGumede ukhala ngokuthi ingoduso yakhe kayithembekile.
“Bengivele ngibona ukuthi uthando lwethu lu-yacikizela ngenxa yezinto umakoti abenzenza, kodwa nginethemba lokuthi ngelinye ilanga ku-zolunga. Ngitshelwe ngomunye wodadewethu abejwayelene naye ukuthi ingoduso (uMandisa) imthumelele umyalezo NgoZibandlela (December) uqala, othi ucu kalusahlangani kubhuti wakho (esho mina). Kangizange ngiyikho-lwe leyonto, njengoba bengisanda kumembesa ngoNcwaba (August).
“Njengoba besesilungiselela umshado omkhulu, obekumele ube ngoMbasa, bekumele siqale siyohlanganiswa ngokwesonto njengoba sikhonza kwaShembe. Yena wale waphetha ukuya kule-yonkonzo,” echaza
Imizamo yokuthola ukuphawula kukaNkz Sibisi iphunzile. ILANGA lifike kubo lamphonsa imibuzo wangayiphendula, wathi malibu-yele kolibikele, alitshele konke. Seliphinda limfonela uvale uci-ngo.
Uma ufika eWaterloo, ubuza kubo kaMandisa, kuba lula ukuthi abantu bakukhombise, njengoba bethi waduma ngenxa yomcimbi womembeso wakhe, owaba yindumezulu.
UGumede onamatekisi athutha umphakathi angaphezu kwawu-6, ahambela eMzinyathi, uthi uzolwa kuze kunqamuke izandla, efuna ilobolo lakhe.
hlongwaj@ilanganews.co.za
