UMNYANGO wezoHulumeni baseKhaya nobuHoli beNdabuko KwaZulu Natal ukhiphe isexwayiso ngesimo esibi esilindeleke kulesi sifundazwe kusukela ngoLwesibili.
Lo mnyango unxuse izakhamizi ezakhelene nezindawo ezingaphansi komasipala okubalwa kubo uMzinyathi, Amajuba, uMgungundlovu, Ilembe, Ethekwini, Ugu neKing Cetshwayo ukuba bahlale beqaphile.
Abesimo sezulu iSouth African Waether Service bathe kulindeleke izimvua ezinamandla kulezi zindawo ezingase ziholele ekutheni kudaleke izikhukhula nomonakalo.
Umnyango uveze ukuthi abezimo eziphuthumayo bami ngomumo ukubhekana nanoma isiphi isimo esingaba khona ukugwema izinhlekelele kanti amalungu omphakathi anxuswa aqaphele.
Okhulumela lo mnyango uMnu Senzelwe Mzila uthe lesi simo sezulu singaholela ekutheni kubenzima ukuba semgwaqweni kubashayeli bezimoto njengoba kungase kulimale ingqalasizinda kuphinde kulimale nempahla okubalwa nemizi yabantu.
