UMKHUZI wamaPhoyisa KwaZulu-Natal, uLt General Nhlanhla Mkhwanazi unxuse ukuba kubikwe amaphoyisa afuna intshontsho njengoba kuza isikhathi samaholidi kaZibandlela. Lokhu ukusho e-Amphitheater Gardens, eThekwini ngesikhathi kwethulwa ngokusemthethweni uhlelo lokuphepha njengoba kuzoqala isikhathi samaholidi. Lo mcimbi ubuhanjelwe uNdunankulu waseKZN, uMnu Thami Ntuli.
UMkhwanazi uthe imigwaqo ivame ukuba matasa esikhathini samaholidi kanti amaphoyisa azobe ephume ngobuningi bawo. Ube esexwayisa labo abahamba ngezimoto ezingekho esimweni esifanele kanye nabashayela bephuzile. Ugqugquzele abashayeli nomphakathi ukuba ubike amaphoyisa enza okungalungile okubalwa nokufuna intshontsho.
