INTATHELI YELANGA
ZIZIDLELE amahlanga izinkakha zeBafana Bafana zibhudluza iBotswana ngo-4-1 kowamanqamu womqhudelwano wamazwe amane, iClash of Legends, obugijinyelwa e-Obed Itani Chilume Stadium, eFrancistown, eBotswana ngoMgqibelo. Lo mqhudelwano ubuhlanganisa omakhelwane; iNingizimu Afrika, iBotswana, iZimbabwe neNamibia.
YIQEMBU lezingwazi zeBafana Bafana ebelibambe iqhaza kwiClash of Legends eBotswana. ISITHOMBE NGABE: DISKITIMES
Kwi-semi final, iNingizimu Afrika iguqise iZimbabwe. IBotswana yona ihlule iNamibia. Amagoli eNingizimu Afrika kowamanqamu eze noCyril “Skhokho” Nzama wodumo kwiBush Bucks Kaizer Chiefs, uSiphiwe Tshabalala – naye owazakhela igama kwiziMpofana – esuka kwiFree State Stars – namabili kaKatlego “Mahoota” Mashego wodumo kwiSuperSport United, Mamelodi Sundowns, Orlando Pirates, Moroka Swallows neGolden Arrows.
INingizimu Afrika ibihlome kannte kowamanqamu: Itumeleng Khune, Lucky Lekgwathi, Happy Jele, Cyril Nzama, Derrick Spencer, Reneilwe Lentsholonyane, Thuso Phala, Dikgang Mabalane, Siphiwe Tshabalala, Siyabonga Nomvethe noJosta Dladla
