IZIPHUNGULELE umsebenzi iMamelodi Sundowns ngokugwema ukungenelwa yigoli idla i-Esperance yaseTunisia ngo-1-0 emlenzeni wokuqala weQuater-final yeCaf Champions League namuhla ngoLwesibili eLoftus Versfeld.
Igoli leDowns lishaywe nguPeter Shalulile ngomzuzu ka-54.
Lo mphumela uchaza ukuthi sekulele kwi-Esperance ukulwela ukuthola igoli uma isidlalela ekhaya, emlenzeni wesibili ozogijinywa ngoLwesibili oluzayo. Lowo mdlalo uzoqala ngo-21h00 ebusuku.
Amehlo manje asezothi njo kwi-Orlando Pirates evakashele iMS Alger yase-Algeria komunye umlenze wokuqala weQuater-final. Umdlalo uzoqala ngo-21h00 ebusuku.
