UMHOLI nomsunguli weMarch and March, uNkk Jacinta Ngobese-Zuma uthi abantu abaphume ngobuningi babo, bayovota ngoLwesithathu, lomhlaka 4 kuLwezi (November).
Uthi, uma abantu bengavoti, amasela nezikhohlakali, bazoqhubeka babesemandleni. Amalungu eMarch and March, izolo, ngoLwesithathu, ntambama abanenhlaba-luhide lwezimoto (motorcade), esuke eBerea Centre, eThekwini, bezungeza idolobha.
Bebesaqhuba umkhankaso wokuthi abakufika abasasele, abangenamvume yokuba kulelizwe, abahambe.
UNgobese-Zuma, uthi alikho iqembu lepolitiki alikhankaselayo, kodwa ufuna abantu basebenzise ilungelo labo lokuvota.
Kulenhlaba-luhide, kubonakale sekukhona nezimoto, ebeziphephezela, amaflegi eMK Party.
menzi.jele@ilanganews.co.za.
