IZOSAKAZWA bukhona kuSABC iDurban International Marathon ezogijinywa ngeSonto ekuseni isukela eSiphingo isongwe eMoses Mabhida People’s Park, eThekwini.
Ukusakazwa kwalo mjaho kuSABC kushiye abaningi bemangele kwazise I-Athletics South Africa (ASA), eyengamele ezokugijima kuleli, inobudlelwano neSuperSport okuyiyona esakaza ezokugijima kuleli. ISoweto Marathon, i-ASA ike uyazama ukuyiyisa kuSABC kodwa I SuperSport yasabisa ngokuya enkantolo.
Lo mjaho (Durban International Marathon) ngowokugcina wokuzibekisela indawo kwiComrades Marathon yalo nyaka ezokuba mhla ka 8 kuJune isukela eMgungundlovu isongwe eThekwini. Lo mjaho wangeSonto uzosakazwa kuSABC2 nakuSABC Sport.
Lo mjaho uzophazamisa imigwaqo eminingi eThekwini. Umwaqo omkhulu ozothinteka wuM4 kusuka ngasesikhumulweni sezindiza esidala ubheke edolobheni eThekwini, uphinde uphazamiseke ukusuka ngaseBlue Lagoon, kubhekwe eVirgina Airport.
Eminye ethintekayo wuMasabalala Yengwa, wu-Victoria Embarkment, neminye ephakathi edolobheni, ikakhulukazi ngasoLwandle.
