KUBHEKWE lukhulu enkulumweni kaMengameli Cyril Ramaphosa yesizwe azoyethula ngoLwesine mhla ka-12 kwe-phezulu ngehora lesikhombisa kusihlwa. Kule nkulumo uRamaphosa kulindeleke ukuba achaze ngebanga eselihanjwe wuhulumeni wenhlanganisela, nokufezekisa ezinye zezithe-mbiso azenzile ngonyaka wezimali owedlule.
Kuzokhumbuleka ukuthi enkulumweni kamengameli yo-nyaka owedlule, ezinye zezihloko ezabe ziseqhulwini kwaba ukusimamisa umnotho wezwe, ukwakha amathuba emisebe-nzi, ukuqinisa amaxhama obudlelwano namanye amazwe ngenhloso yokuthuthukisa leli lizwe.
Kule nkulumo yangoLwesine uRamphosa kulindeleke ukuba acacisele isizwe ngokuthi yikuphi uhulumeni awuho-layo okwazile ukukuzuza, futhi yikuphi osasilele emuva ku-khona. Kulindeleke ukuba aphinde acabe indlela eya pha-mbili kulo nyaka wemali, lapho ezokwenza ezinye izethembiso ukuqinisekisa ukuthi elakuleli liyaqhubeka nokusimama kulezi zikhathi.
Ngemuva kwale nkulumo amalungu ePhalamende azobe esevuleleka ukuba abe nenkulumo-mpikiswano ngayo, abeke umbono wawo ngendlela ayihlaziye ngayo inkulumo kame-ngameli.
Kuzokhumbuleka ukuthi eminyakeni eyedlule kuhola uMnu Jacob Zuma, ibikhungathwa yizinkinga nokuphazami-seka inkulumo yakhe ngamalungu e-EFF, ekhombisa ukungahambisani nobuholi bakhe. Lokhu bekuholela ekutheni kuze kube nezigameko zodlame uma la malungu esekhishwa ngendluzula ePhalamende, sekubizwe nonogada.
Kubukeka lokhu kuziphatha sekushintshile ngaphansi ko-buholi bukaRamaphosa nakuba kusekhona ukuphikisana ngobuholi bakhe.
Kulindeleke ukuba emasontweni amabili azayo uNgqo-ngqoshe weMali kuleli uMnu Enoch Godongwana, ethule isabelomali salo nyaka.
Le nkulumo ithathwa njengemqoka eNingizimu Afrika.
