ISITHOMBE: nguNhlanhla Gumede
IBIGCWELE ichichima indlu yebandla laseSheshi KwaNzimela, eMelmoth, njengoba namuhla kugujwa iminyaka ewu-50 kwasungulwa Inkatha Freedom Party (IFP). Leli qembu lasungulwa kuyona le mission ngomhla ka-21 kuNdasa (March) ngo-1975.
Isigaba sokuqala sohlelo bekuyinkonzo eqhutshwe ngabaholi bezenkolo bamabandla ahlukene, betusa abasunguli beqembu okunguMntwana uMangosuthu Buthelezi noBishop Alpheus Zulu.
Kubuye kwakhulekelwa nobuholi obukhona njengamanje kuleli qembu. Abaholi bezenkolo bathe i-IFP ikwazile ukusimama ezimweni ezinzima, yaba khona nangesikhathi senjabulo.
UmBhishobi uLinda Mandindi wamaWeseli, obekuyena obeqhuba inkonzo enkulu, uthe i-IFP isenenselelo yokulethela abantu baseNingizimu Afrika inkululekho yangempela.
Umholi we-IFP uMnu Velenkosini Hlabisa nguyena ozokwethula inkulumo yosuku ntambama namhlanje.
