KUSHONE abantu abane ngesikhathi itekisi abebehamba ngayo iphaphalaza emgwaqweni, yayoshayisa udonga lwesikole eMngungundlovu.
Ngokusho kwabosizo lokuqala iKwazulu Private Ambulance Service, le ngozi okulimale kabi ababili kwathi abahlanu bathola imihuzukwana, yenzeke emgwaqweni uMpumuza Road.
Okhulumela iKwaZulu Private Ambulance Service, uMnu Craig Botha, uthe kwabalimele kanzima kubalwa nengane eneminyaka ewu-8.
Uthe abalimele bathole usuzo lokwelashwa, base bephuthunyiswa ezibhedlela ehlukene. Amaphoyisa abesaphenya ngembangela yale ngozi.
