IHLEKA yodwa -IFP ngemuva kokuthatha iwadi ebeyibhekwe ngabomvu ngabamaqembu ahlukene njengoba bekunokhetho lokuchibiyela ku-ward 15, ongaphansi kumasipala uMhlabuyalingana.
Ikhansela kuleli wadi sekunguMnu Kwenzile Bongumusa Mthembu kanti ngempelasonto umongameli we-IFP, uMnu Velenkosini uhambele leli wadi ukuyokhankasela leli qembu.
Ngesikhathi ethula inkulumo yakhe unxuse amakhansela e-IFP ukuthi angajabuleli nje ukukhethwa kepha uma esengamakhansela aqinisekise ukuthi asebenzela abantu abasuke bewakhethile. Â
Usho lokhu lapho bekweniwe khona umbuthano walo leli qembu kwaMhlabuyalingana njengoba lilungiselela ukugubha ukuhlanganisa iminyaka engama-50 lasungulwa nguMntwana wakwaPhindangene, Inkosi Mangosuthu Buthelezi, ongasekho. I-IFP ihambe phambili ngamavoti angu1327, ANC 834, MK Party 531, NFP 31, AEF 20 kwathi i-ABMM yathola amavoti angu-6.
