KUTHOLAKALE imoto nesidumbu somsolwa oyanyansiwa nesigameko sokubanjwa kwemoto yemali esigamekweni esenzeke edolobheni laseKranskorp izolo ngoMsombuluko.
Ngokombiko wamaphoyisa, le sidumbu sitholakale namuhla emgwaqweni oowubhuqu obheke eNkandla, eduze komfula uThukela.
Okhulumela amaphoyisa uLt-Col Robert Netshiunda uthe kusolakala ukuthi umufi ulimale ngesikhathi eqhumisa ibhomu.
“Kulesi sigameko kwebiwe izimoto ezine, okuyizona ezisetshenziswe yizelelesi kulesi sigameko. Izigebengu ziphinde zadubula zibhekise esiteshini samaphoyisa, kodwa ngenhlanhla akukho muntu odubulekile. Amaphoyisa athungatha abasolwa njengoba kusolakala ukuthi bebewu-12 sebebonke,” esho.
