AMAPHOYISA asogwini olusenyakatho yeKwaZulu-Natal, athungatha isiboshwa eseqe evenini yamaphoyisa ngoMsombuluko. ULungani Mkhize noSiphelele Gwala, bebehanjiswa ngamaphoyisa eNkantolo yeMantshi yaseMtunzini ngoMsombuluko, besuswa ejele iQalakabusha, eMpangeni.
Kuthiwa bavule isicabha seveni yamaphoyisa emgwaqeni uN2, babaleka. UGwala, amaphoyisa amdubule emlenzeni ezama ukubaleka, kodwa uMkhize ehluleka ukumthola, njengoba esagcwele amathafa.
Laba ababili, babhekene namacala okubulala iphoyisa lomgwaqo eMtubatuba ngo-2021, nelokubulala iphoyisa, uCaptain Nkosinathi Ngcobo, elokishini eSikhaleni, ngawo lowo nyaka.
UGwala ugadwe ngamaphoyisa esibhedlela, kanti usengezelwe icala lokuzama ukweqa. Amaphoyisa athi uMkhize uyingozi, abambonayo bangamthinti, kodwa babize abomthetho.
menzi.jele@ilanganews.co.za
