LUKHUZA ibuya uhlelo iMarried at First Sight Mzansi oluzakhele ugazi kubabukeli bamabonakude. Lolu hlelo luzoqala ukudlala kuMzansi Magic (channel 161), mhla ka 5 July ngeSonto ngelesi 17h30 ntambama kuzosakazwa isiqephu esiyisipesheli, bese kuthi iziqephu ezilandelayo zidlalwe ngelesi- 18:00 ntambama.
Umeluleki wezobudlelwano uThabanga Mashigo, umqeqeshi wezothando uPastor Xolani Hitlana, oweluleka ngezasekamelweni uDkt Mpume Zenda nomeluleki wezemishado nezomndeni uBakhe Dlamini, okhuza ibuya ngemuva kokuba kulolu hlelo nge-season yokuqala.
Kulolu hlelo ‘izithandani’ zihlangana okokuqala ngqa ngosuku lomshado. Kusuke kungabantu abangakaze babonane ngaphambilini kepha bekulolu hlelo ngenhloso yokuthola uthando.Basuke bezoqondaniswa ngabeluleki ngabeluleki bezothando ukuthi umuntu ngamunye ufanelana namuphi.
UThabang Mashigo echaza ukuthi yini eyehlukile ku-season 3 engalindelwa ababukeli uthe:”Abanye bafika bengenalo ulwazi lokuthi imuva linomthelela kangakani endleleni abayiyo, abanye bafika befuna uthando kepha bengazange balusebenzele. Ukuzihlaziya ingaphakathi kokunye ukungazihlaziyi nhlobo eyenze lolu hlelo lube ngundabamlonyeni,” esho. Uthi naku season 3 akukho okutheni okuzokwehluka.
