ABEZIMO eziphuthumayo nabacimi bemililo bathwale kanzima ukunqanda umlilo obusha ubuhanguhangu, ezakhiweni zaseDakota, eSiphingo.
Ibalelwa ku-150 imijondlo eshile kanti akekho umuntu okubikwe ukuthi ushonile ngenxa yalo mlilo. UMnu Billal Jeewa, wakwaGift of the Givers, uthi bafike endaweni umililo ubonakala ukuthi awubhuleki.
“Abantu bebebamba beyeka, bekhipha izimpahla abebengakwazi ukuzikhipha. Sifike sanikeza izisebenzi ebezicima umlilo ukudla neziphuzo. Izisulu eizishelwe yimijondolo, sizobheka ukuthi yikuphi esingazisiza ngakho,” esho.
Kuqubuka lo mlilo nje, ngesonto eledlule bekunelinye iqubula elicekele phansi izakhiwo kuKennedy Road, eClare Estate, eThekwini. Uphiko lwakwaDisaster Management kuMasipala weTheku selujutshwe eSipingo njengoba sekuvele le nhlekelele.
menzi.jele@ilanganews.co.za
