SEKUBHEKWE uPrudence Sekgodiso ukuba abe ngomunye wabasubathi abazohlomulela iNingizimu Afrika indondo emidlalweni yeWorld Indoor Championships eqhubejayo, ezoze isongwe kusasa ngeSonto eChina.
UPrudence uzokube egijima kowamanqamu we-800m kusasa ngeSonto ngo-14h54 kanti lo mjaho uzokube ukhonjiswa bukhoma kwiSuperSport Variety 3.
UPrudence, osubathela iPhantane Athletics Club, ungomunye wabasubathi abakhula ngesikhulu isivinini.
Uma lo msubathi ehlomula ngendondo kulo mqhudelwano uzojoyina uzakwabo u-Akani Simbine ohlomule ngendondo yethusi ngoLwesihlanu.
