UGWEMA ukugagula igama le-Orlando Pirates akhonjwa kuyona uSinoxolo Kwayiba (25) okuvela ukuthi usesemabhukwini amaBhakaniya.
UKwayiba udlala esiswini kwiChippa United nakwiBafana Bafana. Ujoyine iChippa United ngo-2022-2023 esuka kwiPretoria Callies egijima kwiMFC. Selokhu efike kwiChippa udlala ibhola elisezingeni eliphezulu.
Kuvela ukuthi bekuyisizini yakhe yokugcina le edlule kwiChippa njengoba ekhonjwa kwiPirates.
Lo mdlali ebuzwa ngekusasa lakhe uthe: “Masethembe ukuthi le ndaba yokujoyina (kwami) ikilabhu enkulu izokwenzeka, ngihlalele ethembeni. Â
Ngikulangazelele ukudlalela ikilabhu enkulu bese ngiya phesheya, lelo yiphupho lami engikholwa wukuthi lizofezeka.
“Ngeke ngikwazi ukusho igama lekilabhu engingase ngidlale kuyona ngesizini ezayo kodwa kona kungenzeka ngidlale kwenye yalawa amathathu amakhulu akuleli,” esho.
