UCELA umthandazo kubalandeli uSimphiwe Mcineka ongukaputeni weRichards Bay FC esempini yokuxaxama endaweni embi ehleli kuyona kwi-log yeBetway Premiership.
IBay izobhekana neMarumo Gallants koweBetway Premiership ngoMgqibelo ngo-20h00 eDr Molemela Stadium, eBloemfontein.
La makilabhu atholana nje, kaziwahambeli kahle izinto njengoba imiphumela ingahambi kahle. IBay iguqiswe yiMamelodi Sundowns ngo-2-0 ngeledlule eMlazi, kwathi iMarumo yahlulwa ngo-1-0 yiSekhukhune United ePolokwane.
IBay FC ihleli kunombolo 15 kwi-log ngamaphuzu awu-8 ngemuva kwemidlalo ewu-12. Yehlukaniswe ngamaphuzu amabili neMagesi FC ebambe ibhuleki emsileni. IGallants yona ihleli kunombolo ngamaphuzu awu-10 ngemuva kwemidlalo ewu-11.
