UTHUNGATHWE wosomatekisi baseNkandla KwaNgono, ngaphansi kweBhekisizwe Tax Association, umlisa osolwa ngokudlwengula abafundi baseBizimali High School.
Kuthiwa osomatekisi bahlangane ndawonye ebusuku bayizolo ekhumbini eyodwa, balibangisa eTshelimnyama, ePinetown, eThekwini njengoba bese bethole umkhondo wokuthi umsolwa ubhace khona.
Bafike eThekwini basebenzisana namaphoyisa aseMarrianhill, wabanjwa umsolwa. Amacala abhekene naye avulwe esiteshini eKhombe, eNkandla. Bawu-3 abafundi abadlwengulwe kule nyanga, kanti kuthiwa abanye baphunyulile.
USihlalo wabukhosi bakwaNgono, uMnu Slomo Ntuli, obuye abengusomatekisi kuyona le ndawo, uthi basebenze ngokuzikhandla ngoba bevikela isizwe senkosi nesikole esiqanjwe ngoyisemkhulu.
“Asilalanga ebusuku ngoba besibona ukuthi isizwe sihleli kabuhlungu,” esho
mthobisis@ilanganews.co.za
